विखाराची पेरणी, विखाराची मशागत.
विखाराच्या शेतीमधलं विखाराचं भरघोस पीक.
विखाराची दलाली, विखाराचा व्यापार.
कटू विखारी बीजापोटी फळे राक्षसी करंटी
हे निसर्गाला समजतं.
आदिमानवाला समजलं.
सुखवस्तु सभ्यतेचा बुरखा लेऊन
सगळंच बेचिराख करायला निघालेल्या
त्याच्या वंशजाला समजेल का?
का पेटवून देईल तो
सहिष्णुतेचा थेंबही शिल्लक न ठेवता
उरल्या सुरल्या माणुसकीचा वणवा?
No comments:
Post a Comment